“ابدأ بنفسك واتجنن في الخير”

“ابدأ بنفسك واتجنن في الخير”

مشوار لحد "علي طالباب"

يوم الجمعة 28 فبراير كان في حفلة في استوديو جناكليس ل "علي طالباب" و "سارة الدايخ"، ظبطت نفسي ورحت .. قطعت التيكيت واستنيت .. ماكانش في عدد كبير بس ال شوية الموجودين كانوا يكفوا بالغرض .. مابين 90 او 100 شخص تقريباً .

لسبب ما ماجاتش "سارة"، وشارك "عبد الله المنياوي"  مع علي ، انا ماكنتش اعرفه ولا سمعتله اي تراكات بس لما بدأ ينشد انا حسيت بصوت جميل جدا. أنشد بصوت جميل ومخارج حروف اللغة العربية بتاعته ممتازة ودا شدّني اني استمع ليه ..

"علي طالباب" ماكنش بيغني ، دا كان سارح ف كون خلقه هو بنفسه وكان ساحب المايك ف ايده .. اندماج فظيع بيحصل بينهم بيخلي الجمهور يستمتع .

الحوار اللي جاي حصل بعد الحفلة بيوم هنا في اسكندرية .. قضينا يوم لذيذ وطلعت بشوية حاجات كدا .. ماتيجي نشوف

علي طالباب بيراب من 2004/2005 وليه باند اسمها "المنظومة" وبتقدم مزيكا اسم
ها "Electronic Hip Hop" او "Electronic Spoken Word"

سألته عن نوع الفن اللي بيقدمه هل هو راب ولا القاء، قال : شوية كلام بيتكتب مش مهم الصورة اللي يتطلع بيها

اد ما مهتم بالكلام اللي بيتقال يتقال ك راب او يتقال ك القاء بيبقى ميكس شوية هيب هوب راب شوية سبوكن ورد ومش مهتم بالفلوهات مش شايف نفسي كفنان ف لازم احط نفسي ف قالب معين .

وعن الارتجال ف الحفلات ال لايف، قال: الارتجال بيكون الحالة حقيقية مع الجمهور، بدل من انه جاي يسمع اغاني متسجلة زي ماهي هو ف البيت سامعها ف يجي عرض عشان يسمع نفس الاغاني ف لاء،  ف يبقى في تفاعل بينك وبين الناس الموجودة ف دا هيجي عن طريق الاحساس بالكلام المرتجل وان المغني والجمهور ع نفس الطريق بعيدا عن الملل وانا مهتم اني ادي مساحة للارتجال ف العروض 

سألته طيب لية مثلا كان ياخد طريق مختصر ويعيد تراث حمزة الدين قال: انا مش بتمسح ف الاغنية النوبية لان فكرة الباند هو تعبير عن المجتمع الحضري المحتك بيه وعن مشاكله في الحياة وفي الشارع

وكمل وقال : انا بغني ليا وعن مجموعة خبرات انا مريت بيها وممكن يكون انت كمان مريت بيها فبالتالي انا بصيغها في اغنية وبغض النظر كانت هتعجبك الاغنية او لاء بس المهم انا طلعت اللي جوايا بطريقة كويسة بحيث اني ماخليش الجمهور يفقد قيمته كمستمع وانا ك مؤدي وانا لو مشيت ورا الجمهور ف انا كدا مافرقتش حاجة عن التوب ستارز بل ان هما افضل منكي ف تقديم مزيكا المتعة وبياخد مقابل بس طبعا لازم التفاعل والتواصل مع الجمهور وسماع ارائهم

وعن التعقيد الكلامي اللي بيبقى في اغانيه قال: انا بحس كلامي سهل ومن الشارع وان لازم المستمع يبذل مجهود عشان توصلوا الفكرة وانا ببعد عن فكرة تلقين الاغنية للمستمع بس فكرة اني اقول للجمهور حجة معينة ولما تخلص الاغنية ينساها دا مش هيبقى احسن من اني بخلي الجمهور يفكر معايا وهو بيسمع وهتبقى الاغنية مأثرة معاه..

وصف اسكندرية - محمد جوهر

أقيم معرض فني للفنان محمد جوهر في مؤسسة استوديو جناكليس بالاسكندرية تحت عنوان "وصف مصر" وذلك إبتداء من يوم الاحد 2 مارس وحتى يوم الاحد 9 مارس في تمام الساعة السادسة مساء يقول "جوهر" عن معرضه : بعد احداث الهدم الاخيرة للمباني الاثرية التي حدثت بالاسكندرية وكان اخرها فيلا اجيون، شعر بالحزن اثر كونه معماري قبل ان يكون مواطن سكندري ، وان هذه المباني تفتقد الى المواد التاريخية التي تؤرخ فترة انشائها منذ عهد الحرب العالمية الثانية وبمجرد هدمها سوف تذهب الي طي النسيان .